១-ប្រធានសមាគមអតីតនិសិ្សត USEA
ក. ភារកិច្ច

• រៀបចំផែនការ យុទ្ធសាស្រ្ត និងសកម្មភាព ដើម្បីសម្រេចបានគោលបំណងរបស់សមាគម
• ចាត់ចែង និងធ្វើប្រតិភូកម្មសិទ្ធិអំណាចដើម្បីអនុវត្តការងារឲ្យសម្រេចបានជោគជ័យ
• តែងតាំងគណៈកម្មការនានា ដើម្បីអនុវត្តការងារឲ្យសម្រេចបានជោគជ័យ
• ជំរុញឲ្យមានការចូលរួមក្នុងសកម្មភាពរបស់សមាគម និងសាកលវិទ្យាល័យ
• ជ្រើសរើសសមាជិកស្ម័គ្រចិត្តដើម្បីបម្រើសកម្មភាពការងាររបស់សមាគម
• រៀបចំកាលវិភាគប្រជុំសាមញ្ញ និងវិសាមញ្ញស្របតាមលក្ខខន្តិកៈរបស់សមាគម
• ដឹកនាំ និងវាយតម្លៃការអនុវត្តការងារដើម្បីសម្រេចបានគោលបំណងរបស់សមាគម
• រៀបចំការបោះឆ្នោតជ្រើសរើសគណៈគ្រប់គ្រងសមាគមស្របតាមលក្ខខន្តិកៈ
• ស្វែងរកមូលនិធិសម្រាប់ទ្រទ្រង់សមាគមឲ្យមាននិរន្តរភាព
• គ្រប់គ្រងស្ថិតិអតីតនិសិ្សត USEA ។

២-អនុប្រធានទទួលកិច្ចការហិរញ្ញវត្ថុ
ក. ភារកិច្ច

• ចាត់ចែង និងគ្រប់គ្រងហិរញ្ញវត្ថុរបស់សមាគម
• បើកគណនីរបស់សមាគម
• ចុះហត្ថលេខារួមគ្នាជាមួយប្រធានសមាគមក្នុងការទូទាត់ចំណាយផេ្សងៗ
• ប្រមូល និងកត់ត្រាចំណូលគ្រប់ប្រភេទឲ្យមានតម្លាភាព
• កត់ត្រាចំណាយគ្រប់ប្រភេទឲ្យបានច្បាស់លាស់ និងមានតម្លាភាព
• រៀបចំរបាយការណ៍ហិរញ្ញវត្ថុប្រចាំខែ ប្រចាំឆ្នាំ និងផ្សព្វផ្សាយជូនសមាជិក និងសមាជិការ

៣-  អនុប្រធានទទួលបន្ទុករៀបចំព្រឹត្តិការណ៍
ក. ភារកិច្ច

• រៀបចំព្រឹត្តិការណ៍នានា និងប្រចាំឆ្នាំ
• ទំនាក់ទំនងដើម្បីស្វែងរកមូលនិធិដើម្បីរៀបចំព្រឹត្តិការណ៍
• ជំរុញឲ្យមានការចូលរួមនៅក្នុងព្រឹត្តិការណ៍
• គ្រប់គ្រងដំណើរការព្រឹត្តិការណ៍។

៤-  អនុប្រធានទទួលបន្ទុកសេវាកម្មសង្គម និងស្វែងរកការងារ
ក. ភារកិច្ច

• ទំនាក់ទំនងជាមួយស្ថាប័នរដ្ឋ ឯកជន និងអង្គការក្រៅរដ្ឋាភិបាលដើម្បីស្វែងរកការងារជូននិស្សិត
• ស្វែងរកវាគ្មិន ដើម្បីចែករំលែកបទពិសោធ និងចំណេះដឹងពាក់ព័ន្ធនឹងការស្វែករកការងារធ្វើ
• ប្រឹក្សាពីការសិក្សា និងស្វែងរកការងារធ្វើ
• រៀបចំទម្រង់សរសេរបែបបទដើម្បីស្វែងរកការងារធ្វើ
• ជំរុញ និងដឹកនាំចូលរួមសកម្មភាពសង្គម វប្បធម៌ មនុស្សធម៌ បរិស្ថាន និងសន្តិភាព

៥-  អនុប្រធានទទួលបន្ទុកទំនាក់ទំនងសាធារណៈ និងផ្សព្វផ្សាយព័ត៌មាន
ក. ភារកិច្ច

• ទំនាក់ទំនងល្អជាមួយស្ថាប័នរដ្ឋ ឯកជន និងអង្គការក្រៅរដ្ឋាភិបាល
• ចូលរួមបង្កើត និងអភិវឌ្ឍគេហទំព័រ និងFacebook របស់សមាគមអតីតនិសិ្សត USEA
• ផ្សព្វផ្សាយព័ត៌មានដល់សមាជិក សមាជិការ និងអ្នកពាក់ព័ន្ធនៅក្នុងសមាគម
• ចូលរួមរាល់ព្រឹត្តិការណ៍ផេ្សងៗ ដែលមានសារៈប្រយោជន៍សម្រាប់សមាគម

៦-អគ្គលេខាធិការ
ក. ភារកិច្ច

• គ្រប់គ្រងត្រារបស់សមាគម
• ចាត់ចែងដំណើរការប្រតិបត្តិការប្រចាំថ្ងៃរបស់សមាគម
• គ្រប់គ្រងឯកសារចេញចូល និងបទដ្ឋានរបស់សមាគម

• ស្វែងរកការងារជូននិសិ្សតដែលបញ្ចប់ការសិក្សា 
• ដោះស្រាយបញ្ហាការងារ និងបញ្ហាផ្ទាល់ខ្លួនរបស់និសិ្សតដែលបញ្ចប់ការសិក្សា 
• គ្រប់គ្រងស្ថិតិនិសិ្សតដែលបញ្ចប់ការសិក្សា  
• ពង្រឹងការទំនាក់ទំនងគ្នាល្អសម្រាប់និសិ្សតដែលបញ្ចប់ការសិក្សា 
• រៀបចំសិក្ខាសាលាស្តីពីការស្វែងរកការងារ ការគ្រប់គ្រង និងផ្លាស់ប្តូរបទពិសោធនៃការអនុវត្តការងារ
• ទំនាក់ទំនងជាមួយសមាគមនិសិ្សតនៅលើពិភពលោកដើម្បីស្វែងរកអត្ថប្រយោជន៍​និងសេវាកម្មផ្សេងៗ សម្រាប់និសិ្សត
• ចូលរួមសកម្មភាពសង្គម វប្បធម៌ អារ្យធម៌ បរិស្ថាន និងសន្តិភាព ។