១. លទ្ធផលសិក្សានៃកម្មវិធីបណ្ដុះបណ្ដាល (Program Learning Outcomes : PLO)

    និស្សិតបញ្ចប់ការសិក្សានឹងទទួលបាន ៖

• សម្តែងឱ្យឃើញពីចំណេះដឹងដ៏ទូលំទូលាយទាំងផ្នែកច្បាប់ និងគោលនយោបាយសាធារណៈ ស្របទៅតាមបរិបទសង្គមនីមួយៗ 
  
• បង្ហាញពីសមត្ថភាពក្នុងការផ្តួចផ្តើមគំនិត ការច្នៃប្រឌិត និងការបង្កើតថ្មី ព្រមទាំងអភិវឌ្ឍគោលគំនិតទ្រឹស្តីថ្មីៗខាងរៀបចំនិងអភិវឌ្ឍរដ្ឋបាលទៅតាមបរិបទសង្គម
  
• បកស្រាយទ្រឹស្តីរដ្ឋបាលសាធារណៈជាតិ និងអន្តរជាតិយ៉ាងស៊ីជម្រៅ 
  
• ប្រឹក្សា និងដោះស្រាយបញ្ហានានាពាក់ព័ន្ធនឹងរដ្ឋបាលសាធារណៈ សេដ្ឋកិច្ច និងសង្គម
  
• ប្រមូល គណនា វិភាគ បកស្រាយស្ថិតិ និងលើកជាដំណោះស្រាយដើម្បីជួយសម្រួលដល់ការសម្រេចចិត្ត
  
• ធ្វើការបកស្រាយយ៉ាងមានប្រសិទ្ធភាពទាំងការនិយាយ ធ្វើបទបង្ហាញ និងសរសេរលិខិតបទដ្ឋានគតិយុត្ត លិខិតរដ្ឋបាល និងរបាយការណ៍លទ្ធផលស្រាវជ្រាវនិក្ខេបបទ ឬកិច្ចការស្រាវជ្រាវតូចធំ 
• លើកកម្ពស់ និងផ្សព្វផ្សាយជាសាធារណៈនូវការយល់ដឹងលើស្នាដៃស្រាវជ្រាវទៅតាមវិស័យ ។
  

២. លក្ខខណ្ឌចូលរៀន (Enrollment Requirement)

• មានសញ្ញាបត្របរិញ្ញាបត្រ និងបរិញ្ញាបត្រជាន់ខ្ពស់
  
• បេក្ខជនត្រូវមានពិន្ទុមធ្យមភាគសរុប (GPA) ចាប់ពី៣.០០ ឡើងទៅ ឬ បានសរសេរនិក្ខេបបទបញ្ចប់ការសិក្សាថ្នាក់បរិញ្ញាបត្រជាន់ខ្ពស់
  
• បេក្ខជនត្រូវមានសំណើគម្រោងស្រាវជ្រាវបឋមស្របតាមជំនាញ
• បេក្ខជនត្រូវឆ្លងកាត់តេស្តសមត្ថភាពភាសាអង់គ្លេសរបស់សកលវិទ្យាល័យ សៅស៍អ៊ីសថ៍អេយសៀ និងមានសមត្ថភាពមូលដ្ឋានខាងបច្ចេកវិទ្យាព័ត៌មានវិទ្យាសម្រាប់ប្រើប្រាស់ក្នុងការស្រាវជ្រាវ
• បេក្ខជនដែលមានសញ្ញាបត្របរិញ្ញាបត្រជាន់ខ្ពស់ ឬ សញ្ញាបត្រដែលមានតម្លៃស្មើមិនស្របទៅនឹងកម្មវិធីអប់រំ តម្រូវឱ្យបេក្ខជនរៀនមុខវិជ្ជាចាំបាច់មួយចំនួនដើម្បីឈោងចាប់កម្មវិធីអប់រំថ្នាក់បណ្ឌិត ។