១. លទ្ធផលសិក្សានៃកម្មវិធីបណ្ដុះបណ្ដាល (Program Leaning Outcomes : PLO)

    និស្សិតបញ្ចប់ការសិក្សានឹងទទួលបាន ៖

• គ្រប់គ្រងគម្រោង គ្រប់គ្រងគណនេយ្យថ្លៃដើម គ្រប់គ្រងប្រតិបត្តិការ គ្រប់គ្រងធនធានមនុស្ស បង្កើត និងគ្រប់គ្រងអាជីវកម្មដោយខ្លួនឯង
  
• រៀបចំផែនការយុទ្ធសាស្ដ្រ និងផែនការទីផ្សារសម្រាប់ក្រុមហ៊ុន
  
• វិភាគថ្លៃដើម និងកម្រិតនៃការប្រកួតប្រជែងក្នុងការសម្រេចចិត្តធ្វើអាជីវកម្ម
• វិភាគបរិយាកាសអាជីវកម្ម និងសេដ្ឋកិច្ចក្នុងតំបន់អាស៊ាន និងពិភពលោកដើម្បីរៀបចំយុទ្ធសាស្ដ្រ និងវិធីសាស្ដ្រគ្រប់គ្រងអាជីវកម្មឲ្យទទួលបាននូវភាពជោគជ័យ
• ប្រតិបត្តការនៅក្នុងក្រុមហ៊ុន និងសហគ្រាសពាណិជ្ជកម្មប្រកបដោយសីលធម៌វិជ្ជាជីវៈ

២. លក្ខខណ្ឌចូលរៀន (Enrollment Requirement)

• បេក្ខជនត្រូវមានសញ្ញាបត្របរិញ្ញាបត្រ ឬ សញ្ញាបត្រសមមូលដែលទទួលស្គាល់ដោយក្រសួងអប់រំយុវជន និងកីឡា
• បេក្ខជនដែលមានសញ្ញាបត្របរិញ្ញាបត្រ ឬ សញ្ញាបត្រសមមូលដែលមានជំនាញ មិនស្របគ្នាទៅនឹងកម្មវិធីអប់រំ នៃមុខជំនាញដែលបេក្ខជនជ្រើសរើសបេក្ខជនត្រូវរៀនក​ម្មវិធីថ្នាក់ត្រៀមបរិញ្ញាបត្រជាន់ខ្ពស់ (Pre-Master Program) ចំនួន ៩ ក្រេឌីត និងប្រឡងបញ្ចប់ដោយជោគជ័យ
  
• បេក្ខជន ត្រូវប្រឡងជ្រើសរើសចូលរៀនកម្មវិធីថ្នាក់បរិញ្ញាបត្រជាន់ខ្ពស់ ដែលរៀបចំដោយសាកលវិទ្យាល័យ និងទទួលស្គាល់ដោយក្រសួងអប់រំ យុវជន និងកីឡា។